monumenta.ch > Beda Venerabilis > sectio 23
Word Selection for Searching
Report an Error in this Sectio
Beda Venerabilis, De Temporum Ratione, 56, 23
Idcirco autem septimi decimi lunaris anni computus ab ipso quo prior explicitus est annus die incipit, et non a sequente ut caeterorum, ne propter saltum lunae, quem dicunt, unus eidem anno dies deesse videatur. Quod ipsum Dionysius decennovenalem cyclum huiusmodi ordine percurrens edocuit, ab eodem die quo ultimi conclusit anni metas primi inchoando principium.